"Azərbaycanı yaxşı təmsil etmək istəyirik"
"Valentin Qranatkinin xatirəsinə həsr olunan turnirdə yaxşı futbol nümayiş etdirmək və Azərbaycanı həm meydanda, həm də ondan kənarda yaxşı təmsil etmək istəyirik". Azertaym.az xəbər verir ki, bu sözləri 19 yaşadək futbolçulardan ibarət millimizin baş məşqçisi Nikolay Adam deyib.
Yığmamız gələn ay Valentin Qranatkinin xatirəsinə həsr olunan turnirə qatılacaq. Yarışdan əvvəl millimizin baş məşqçisi Rusiya mətbuatına müsahibə verib: "Biz 1996 və 1997-ci il təvəllüdlülərdən təşkil olunmuş komanda ilə yarışa qatılacağıq. 1996-cı il təvəllüdlülərlə işə yenicə başlamışıq. Lakin 2011-ci ildə bu komanda ilə çalışmışam. 2012-13-cü illərdə isə 1997-ci il təvəllüdlülərlə işləmişəm. Biz onlarla işə başlayandan sonra 1997-ci il təvəllüdlülər beynəlxalq arenadakı nəticələrini yaxşılaşdırıblar. Rəqibləri öyrənməyə çalışacaq və hazırlaşacağıq".
