"Miqrant karvanı"nın ilk qrupu ABŞ və Meksika sərhədinə çatıb.

“Report” "Universal" portalına istinadən xəbər verir ki, 350-dən çox insan Meksika polisinin patrul maşınlarının müşayiəti ilə avtobuslarda gəlib.

Bildirilir ki, Milli Miqrasiya İnstitutunun əməkdaşları qaçqınların şəhər sığınacağına yerləşdirilməsinə yardım ediblər.

Onlar hələ ki, sərhədi keçməyə cəhd göstərməyiblər, bir neçə nəfər sadəcə sərhəd divarının üzərinə çıxıb.

Bundan əvvəl ABŞ-ın dövlət katibi Maykl Pompeo Hondurasdan Meksika ərazisi ilə ABŞ istiqamətində hərəkətdə olan qanunsuz miqrant karvanının heç bir halda Birləşmiş Ştatlar ərazisinə buraxılmayacağını deyib.