10 günə yaxındır ki, avtomobillərə pərdə və jalüzlərin vurulmasına icazə verilib. Amma hələdə bir çox sürücü bu vasitələrdən düzgün istifadə qaydasını bilmir. Hansı pərdəni arxa və yan şüşəyə vurmaq olar? əməkdaşlarımız bu gün pərdə hazırlanan mağazalarda olaraq mövzunu araşdırıblar.

Pərdə və jalüz mövsümü artıq bir həftədir ki, başlayıb. Amma bəzi sürücülər avtomobilə hansı pərdədən vurmaq lazımdı bunu bilmir.

Belə olduqda da qaydalara uyğun olmayan pərdədən istifadə edən sürücülərlə yol polisi arasında mübahisə yaranır. Elə aparıdığımız soruğu zamanı da sürücülərin bu məsələdə məlumatsız olduğu üzə çıxdı.Avtomobillərdə olan pərdənin çərçivəsi hansı materiyaldan hazırlanmalıdır ?

Avtomobil bazarında bir neçə ildi bu işlə məşğul olan ustalar da deyir ki, əvvəllər pərdə və jalüzlərin bir neçə növü var idi. Sonradan onlar qaydalara uyğun olan pərdələri hazırlamağa başlayıblar.

İndi ustaların əksəriyyəti "maqnit" adlanan pərdə hazrılayır.

Yol Hərəkəti üzrə ekspert Ərşad Hüseynovun sözlərinə görə, avtomobilə yalnız sənaye üsulu ilə hazırlanmış pərdə və jalüzə icazə verilir.

Qeyd edək ki, standartların tələblərinə uyğun olmayan rəngli, güzgü, buqələmun tipli şüşələrin avtomobillərə quraşdırılaraq idarə edilməsi inzibati məsuliyyət yaradır. Bu tələbləri pozan sürücülər məsuliyyətə cəlb edilərək 150 manat məbləğində cərim edilə bilər.