Bakı Şəhər Dövlət Yol Polisi İdarəsinin bölmə rəisi, polis polkovniki Vaqif Əsədov ilə birlikdə Avtosfer.az komandası məktəblərə tədbirlərə getmişdik. Görüşlər zamanı maraqlı anlar yaşandı. Vaqif müəllim özü sadə bir insandır. Bunu yəqin ki, onu tanıyanların hamısı bilir. Gördüyü uşaqların hamısına kiçik də olsa hədiyyə verdi. Hətta yolda valideyni ilə gedən uşaqları saxlayıb kitab hədiyyə edirdi.

Sabunçu rayonunda yerləşən məktəbin önündə bir dəstə uşaq oturmuşdu. Oynamağa gəlmişdilər. Vaqif Əsədov onları çağırıb hərəsinə bir kitab verdi. Məlum oldu ki, Zəngilan rayonundan olan məcburi köçkün uşaqlardır. Sonra YPX maşının yük yerindən bir top çıxardıb onlara hədiyyə elədi. Bütün bunların heç biri əvvəlcədən düşünülmüş ssenari deyil. Buna əmin ola bilərsiniz.