Aşura günü kimlər qan verə bilməz? - SİYAHI
Bu adamlar sabah qanvermədən uzaq dursun!
21-11-202420-11-202419-11-2024
Sabah Məhərrəm ayının 10-cu günü Aşura mərasimi ilə əlaqədar Azərbaycanda qanvermə aksiyaları keçiriləcək. Məscidlərin nəzdində baş tutacaq aksiyada hər il minlərlə insan könüllü qan verir. Həkimlər qanverən insanı yerindəcə müəyyən qədər yoxlasa da təbii ki, qısa müddətdə həmin insanın qanverməyə yararlı olub-olmaması məlum olmur.
Medicina.az saytı kimlərin tibbi baxımdan qanverməyə uyğun olmadığını araşdırıb. Xəstəliklərin və qadağaların siyahısı kifayət qədər uzundur. Amma yaxşı olar ki, insanlar sağlam qanın vacib olduğunu da unutmayıb, savabdır deyə yararsız qan verməkdən çəkinsinlər.
•Qan vermək üçün yaşı 18-dən yuxarı sağlam insan uyğundur.
• Qan verən insanın çəkisi 50-52 kq-dan aşağı olmamalıdır.
•Qan verən gün insanın bədən hərarəti 37 dərəcədən yuxarı, 35 dərəcədən aşağı olmamalıdır.
Bu xəstəliyi olan insanlar qan verməkdən uzaq dursunlar:
•Hepatit virus istənilən növünün daşıyıcıları
•Tuberkulyozun istənilən formasını keçirmiş şəxslər
•QİÇS xəstəliyi və daşıyıcısı olanlar
•Parazitar xəstəliyi olanlar: toksoplazmoz, exinokokkoz
•Qan xəstəliyi olanlar
•Xoşxassəli və bədxasəli törəmə şişi olanlar
•Kar və kor şəxslər
•Psixi xəstəliyi olanlar
•Alkoqolizm və narkomanlar
•Ürəyin işemik xəstəliyi olanlar
•Ateroskleroz xəstələri
•Bronxial astması olanlar
•Mədə və 12 barmaq bağırsağın kəskin xorası olanlar
•Qaraciyər sirrozu olanlar
•Böyrəklərində daş olanlar
•Burun boğazında irinli iltihabı olanlar
•Psoriaz, ekzema, qurdeşənəyi, dermatoz, mikoz, furunkulyoz kimi iltihabi dəri xəstəlikləri olanlar
•Xroniki osteomielit xəstələri
•Yaxın 1 ildə daxili orqanlarda əməliyyat etdirənlər
Bu əlamətlərdən biri olan şəxs qan götürülən zaman həkimi məlumatlandırmazsa, bu böyük səhv və günah hesab olunur.
Fikirlər
-
Reklam
-
Əsas xəbərlər
