“Uşaqları buraxın, nə deyirsiniz, edəcəm“ - Akif Çovdarov

bitmap-img6

 Bu gün Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin həbsdə olan sabiq rəisi, general-mayor Akif Çovdarov, 1-ci idarəsinin sabiq rəisi Səlim Məmmədov, 2-ci idarənin sabiq rəisi Akif Əliyev və 3-cü idarənin 1-ci şöbəsinin sabiq rəis müavini Orxan Osmanovun cinayət işi üzrə məhkəmənin baxış iclası davam edib.

Prosesdə Çovdarovun işinə yeni qoşulan vəkili Şahin Rəfiyev cinayət işi ilə tanış olmaq üçün vaxt istəsə də, hakim bunu təmin etməyib.

Akif Çovdarovun vəkilləri eyni zamanda cinayət işinə xitam verilməsi ilə bağlı vəsatət veriblər. Eləcə də, Akif Çovdarov barəsində həbs qərarının ləğv edilməsini, barəsində ev dustaqlığının seçilməsini istəyiblər. Bu vəsatətlərin heç biri təmin edilməyib.

Kamandar Nəsibov vəsatət verərək Akif Çovdarovun barəsində məhkəmə tibbi ekspertizası keçirilməsini istəyib. O, eyni zamanda bildirib ki, bu ekspertiza xaricdən gələn mütəxəssislər tərəfindən keçirilsin. Məhkəmə bunu qismən təmin edib. Belə ki, Çovdarov barəsində tibbi ekspertiza təyin olunub, yalnız bu ekspertiza yerli mütəxəssislər tərəfindən aparılacaq. 
Prosesdə qısa çıxış edən Akif Çovdarov bildirib ki, onunla birlikdə təqsirləndirilən şəxslərin heç biri günahı yoxdur: "Uşaqları buraxın, nə deyirsiniz edəcəm, sənədlərə də qol çəkəcəm. Bunların heç bir günahı yoxdur. Mənə də hökm oxuyun".
 
Bundan sonra məhkəmə istintaqı açıq elan edilib. Hazırda prokuror ittiham aktının nəticəsi hissəsini elan edir.
Prokuror ittiham aktının elan edilməsini yarımçıq saxlayıb. Prosesdə noyabrın 21-dək fasilə elan edilib.

  

 

 
 
 
 
 





Bənzər xəbərlər
  • Sabiq MTN generallarının həbs
  • Çovdarovun vəziyyəti ağırdır -
  • KİLLER GENERAL HAKİM QARŞISINDA- Jurnalistler məhkəməyə buraxılmır -
  • Akif Çovdarov ailəsindən imtina etdi"QANLI GENERAL"
  • Akif Çovdarovun 20 cildlik cinayət işi-

    • Fikirlər