Qərb Universitetində tələbələrin baxış imtahanı keçirilib
Qərb Universitetində Dizayn fakültəsi tələbələrinin növbəti baxış imtahanı keçirilib. Baxışda 624/1, 624/2 qrup tələbələrinin qrafik layihələri, rəsm, rəngkarlıq kompozisiyaları təqdim olunub. Universitetin mətbuat xidmətindən "AzerTaym.az"-a verilən məlumata görə, təqdim olunan layihələr öz aktuallığı, mövzu seçimi və qrafik materialları ilə komissiya üzvlərinin müsbət rəyi ilə qiymətləndirilib. Qeyd edək ki, 1996-cı ildən etibarən mütəxəssislər hazırlayan Dizayn fakültəsi özəl ali təhsil müəssisələri içərisində ilk dəfə Qərb Universitetində yaradılıb. 
