"Ciddi bir saytda erotik şəkillərin yayımlanması yolverilməzdir" - Əflatun Amaşovdan sərt XƏBƏRDARLIQ
Azərbaycan Mətbuat Şurasının sədri Əflatun Amaşov son vaxtlar mətbuatda etik normalara uyğun olmayan, çılpaq şəkillərlə xəbərlərin yayımlanmasına sərt münasibət bildirib. Şura sədri açıqlamasında bildirib ki, hər bir sayt redaktoru bu məsələlərə diqqətlə yanaşmalı etik normalara uyğun olmayan çılpaq şəkillərdən uzaq olmalıdır: "Əyləncə saytlarında janra uyğun olaraq müəyyən görüntülər ola bilər. Lakin şəkillərdə etik normalar gözlənilməlidir. Təəssüf ki, bir sıra reklam şirkətləri məhsullarını önə çıxarmaq üçün bu yollardan istifadə edirlər. Diqqəti cəlb edən şəkilləri yayımlayırlar", deyə Ə.Amaşov bildirib. Ə.Amaşovun sözlərinə görə, hər bir sayt redaktor bu məsələlərə diqqətlə yanaşmalı etik normalara uyğun olmayan çılpaq şəkillərdən uzaq olmalıdır. "Xəbərlərdə etik normalar qorunmalıdır. Materiallardakı şəkillərin sərhədini müəyyən etmək mütləqdir. Pornoqrafik üsullardan istifadə etmək olmaz. Erotik şəkilləri qoymaq olmaz". Ə.Amaşov bildirib ki, müəyyən bir rəssamın əsərini təqdim etmək olar. Bu artıq bədii təxəyyülün məhsuludur. Lakin, pornoqrafik, erotik şəkillərin mətbuat səhifəsində yerləşdirilməsi etik normalara sığmır. "Hansı şəkil harada bu sərhədləri keçir, bunlar müəyyən olunmalıdır. Məsələn, müəyyən bir rəssamın əsərini təqdim etmək olar. Bu artıq bədii təxəyyülün məhsuludur. Lakin, pornoqrafik, erotik şəkillərin mətbuat səhifəsində yerləşdirilməsi etik normalara sığmır. Xüsusən ciddi bir saytda pornoqrafik, erotik şəkillərin yayımlanmasına imkan vermək olmaz Bu baxımdan jurnalistlər peşəkar olmalıdır ki, onları bir-birindən ayıra bilsinlər. Etik normaların heç bir halda pozulmasına imkan verməli deyillər". - şura sədri əlavə edib. Qeyd edək ki, azərbaycanlı ifaçı Afaq Aslan həyata keçirdiyi yeni layihə üçün foto-kameralar önünə keçib. O, kifayət qədər tanınan yerli mətbuat orqanlarından birinə bildirib ki, layihə üçün lüt soyunmalı olub: "Əslində ilk dəfə bu təklif gələndə "yox" dedim. Daha sonra məni bu fikrimdən daşındırdılar. Sosial şəbəkədə mənə bir çoxları yazır ki, sən Azərbaycanın Kim Kardaşyanısan. Mən kiməsə bənzəmək fikrində deyiləm. Şəkilləri fotoqraf Nigar çəkib. Bu sadəcə çəkilişlərdən bir hissədi. Qarşıda elə bir layihə gəlir ki, bütün Azərbaycan məndən danışacaq". İfaçının erotik şəkilləri cəmiyyətdə birmənalı qarşılanmayıb. AzerTaym.az
