Bu gün saat 8.15 radələrində Neft Daşlarında intihar hadisəsi baş verib.  

"AzerTaym.az" SOCAR-ın saytına istinadən xəbər verir ki, Geofizika-Geologiya idarəsinin Neft Daşları mədən geofizika ekspedisiyası nəzarət-interpretasiya dəstəsinin rəisi (geoloq) 1961-ci il təvəllüdlü Vəliyev Məmməd Şəmistan oğlu naməlum səbəblərdən özünü 9 mərtəbəli yataqxananın 9-cu mərtəbəsindəki otağından atıb.

O, hadisə yerində dünyasını dəyişib. Hadisə ilə bağlı təcili olaraq müvafiq orqanlara məlumat verilib, araşdırma işləri aparılır.