Heydərov Eldar İbrahimovun qardaşını “vurdu”
Milli Məclisin üzvü, Aqrar Siyasət Komitəsinin sədri Eldar İbrahimovun qardaşı Nizami İbrahimov bu gün gözlənilmədən Dövlət Gömrük Komitəsinin Xəzər Dənizində Azərbaycan Respublikasının İqtisadi Mənafelərinin Mühafizəsi Gömrük İdarəsinin rəisi vəzifəsindən azad edilib.
Bu barədə "Azərtaym.az"-a daxil olan məlumatda deyilir ki, Nizami İbrahimov günün birinci hissəsində iş yerinə gəlib və idarənin kollektivini yıöaraq onlarla vidalaşıb. Məlumatdan belə qənaət formalaşır ki, Nizami İbrahimov vəzifədən azad edilməklə yanaşı həm onun gömrük orqanlarındakı fəaliyyətinə də xitam verilib.
Milli Məclisin rəhbərlərindən və ən stajlı üzvülərindən olan Eldar İbrahimovun qardaşının qəfil istefaya göndərilməsi sıradan olay deyil. Əgər Nizami İbrahimov yaşına və hər hansı bir başqa səbəbə görə vəzifəsindən çıxarılsaydı, o zaman müəyyən təltiflərlə yola salınardı.
Belə görünür ki, deputatın qəfil istefasının pərdəarxası məqamları var.
Bununla bağlı bəzi məlumatlar əldə etmişik və dəqiqləşdirmədən sonra açıqlayacağıq.
