RUS ORDUSU İŞİD-i MƏHV EDƏCƏK! - İŞİD-in qorxmalı olduğu 5 silah növü
Bəs, Rusiyanın Suriyaya göndərdiyi qüvvələr və texnika İŞİD-ə qarşı mübarizəyə necə təsir göstərə bilər? - Su-25 - Xüsusi təyinatlılar - Mİ-24 - BTR 82A - Pilotsuz uçuş aparatları Yekun Rusiya Suriyaya qoşun göndərməklə, özü üçün külli miqdarda problemlər yarada bilər. Çünki Moskva Yaxın Şərqdə ən çox nifrət edilən adamın tərəfində yer alıb. Hətta əgər Rusiya qüvvələrinə Rusiya hücumlarının qarşısını almaq və Əsəd rejimini xilas etmək müyəssər olarsa, onda Moskva, öz ərazisinə çox pis nəzarət edən və hədsiz zəifləmiş müttəfiq peyk dövlət qazanacaq. Müsbət məsələ kimi, onu qeyd etmək olar ki, son on il ərzində Rusiya məhdud kontingentli ordulardan istifadə etməklə, böyük uğurlar əldə edib və onun Suriyaya müdaxiləsi İran ilə münasibətlərdə yeni səhifə aça bilər. Lakin heç şübhə yoxdur ki, Vladimir Putin çox riskli bir oyuna girişib. Bu riskin nə dərəcədə böyük olduğunu isə Rusiya silahının gücü müəyyənləşdirəcək. AzPolitika.info
Rusiya, artıq keçən həftədən İŞİD-ə qarşı mübarizə aparmağa tam qərar verib. Rusiya aviasiyasının və quru qoşunlarının Suriyaya göndərilməsi ilk növbədə Əsəd rejiminin qorunması, sonra isə İŞİD-in törətdiyi dəhşətlərin qarşısının alınması məqsədi daşıyır. Sözsüz ki, burada əsas məsələ Rusiyanın Yaxın Şərqdəki təsirinin saxlanılmasından ibarətdir. İŞİD-in Əsəd rejiminə qarşı olan ciddi təhlükəsini nəzərə alaraq, rusların onlarla birbaşa qarşıdurması ehtimalının tamamilə mümkün olmasını söyləmək olar.(The National interest)
“Su-25” təyyarəsi dünyanın ən yaxşı hücum təyyarələrindən biridir. ”Su-25” İŞİD-ə qarşı İraq və İran Hərbi Hava Qüvvələrinin tərkibində döyüşür. ”Su-25” raket və bombalarla təchiz olunub. Digər tərəfdən isə onun gövdəsində 30 millimetr çapında aviasiya topu da yerləşdirilib.
Rusiya HHQ tərkibindəki təyyarələr çox böyük ehtimalla İraq ordusunun təyyarələrinə nisbətən, daha müasir sistemlərlə təchiz edilib və oradakı pilotların səviyyəsi də yüksəkdir. Ona görə də, əgər Rusiya İŞİD-ə qarşı hücum qərarı verəcəksə, onda rusların təyyarələri daha effektli zərbələr endirəcəklər. Hal-hazırda Suriya ordusunun sıralarında vuruşan “Su-22” və “Su-24” təyyarələri ilə müqayisədə, ”Su-25” lər onlara verilən tapşırıqları daha effektiv yerinə yetirə biləcəklər.
Düzdür, Ukrayna münaqişəsi zamanı “Su-25” təyyarələrinin çatışmazlıqları üzə çıxmışdı. Lakin Ukrayna təyyarələri rusların separatçılara verdikləri Hava Hücumundan Müdafiə sistemləri vasitəsi ilə vurulurdu. Amma hələki, İŞİD-in bu cür imkanları yoxdur.
Son 15 ildə ABŞ terror əleyhinə aktiv əməliyyatlar aparmaq və həmçinin də düşmənin ənənəvi hərbi qruplaşmalarına qarşı xüsusi təyinatlı güclər və yüksək dəqiqlikli aviasiya zərbələrindən istifadə edib. “Əfqan modeli” adlandırılan bu sistemdə, texniki-taktiki planda yaxşı silahlanmış yerüstü qüvvələrin minimal fəaliyyəti nəticəsində rəqibin adi qoşunlarına qalib gəməyə imkan verir.
Rusiya xüsusi təyinatlıları (speçnaz) müəyyən mənada həmin rolu oynayır. Rusiya xüsusi təyinatlılarının müqavimət hərəkatlarına qarşı aparılan gizli əməliyyatları Çeçenistanda vəziyyətin dəyişməsinə gətirib çıxardı. Digər tərəfdən isə Krımın ilhaq edilməsi və Ukraynadakı separatçıların güclənməsində Rusiya xüsusi təyinatlıları mühüm rol oynayıblar. Bəzi məlumatlara görə, hazırda Rusiya “speçnazı” Suriyada fəaliyyətə hazırlaşır.
Rusiya xüsusi təyinatlıları suriyalılara təlim keçməklə yanaşı, İŞİD və digər qruplara qarşı yerüstü əməliyyatlardakı döyüşlərdə öncüllük də edə bilərlər. Hələlik Rusiya hərbi gücünün imkanları tam olaraq bizə məlum deyil, ancaq İŞİD-in bunu çox tezliklə aydınlaşdırmaq imkanı var.
Partizan dəstələri və müqavimət qüvvələrinə qarşı mübarizədə “Mi-24” vertolyotları mühüm rol oynayırlar.Bu təyyarələr uzun müddətdir ki, Rusiya ordusuna etibarla xidmət göstərir. 1970-ci illərdən dünyanın müxtəlif ordularının döyüş cərgəsində yer alan bu vertolyotlar, sovetlərin Əfqanıstanda apardıqları müharibədə xüsusi ilə fərqlənirdi. Hazırda “Mi-24” vertolyotları Suriyadakı vətəndaş müharibəsində aktiv şəkildə Əsəd rejiminin ordusunun tərkibində döyüş əməliyyatlarında iştirak edir.
“Uçan tank” adlandırılan “Mi-24” quru qoşularına çox lazımlı kömək edir. Bu maşın yüksək çeviklik xüsusiyyətinə malikdir və ordu birləşmələrini kritik mühüm nöqtələrə daşıya bilmək özəliyyi ilə yanaşı, zərbə vertolyotu kimi də fəaliyyət göstərir. Bomba, idarə olunan və idarə olunmayan raketlərdən başqa “Mi-24” 12,7 millimetrlik pulemyotla təchiz olunub ki, bu da ona nəqliyyat vasitələrinə, döyüş maşınlarına və həmçinin də düşmənin möhkəmləndirilmiş müdafiə mövqelərinə ciddi ziyanlar vurmağa imkan verir. İŞİD vertolyotlara qarşı mübarizədə müəyyən uğur qazanıb, lakin onlar üçün müasir vertolyotlarda uçan təcrübəli və yaxşı hazırlıqlı rusiyalı pilotlara qarşı dayanmaq hədsiz çətin olacaq.
Rusiyanın Suriyada yerləşdirdiyi hərbi birləşmələrin sayı çox olmadığı üçün rus qoşunlarının çevikliyindən çox şey asılı olacaq. ”Mi-24”həmin çevikliyi, yüksək atəş gücü ilə təmin edə bilər.
Analitiktiklər tərəfindən Suriyada xüsusilə qeyd edilən texnika, quru qoşunları üçün nəzrədə tutulan “BTR -82A” zirehli transpartyorudur. Adi, lakin quru qoşunlarının mobilliyini və müdafiəsini təmin edən müasir döyüş maşını olan “BTR-82A”, piyadalar üçün müəyyən atəş dəstəyi verir. Son zamanlar çəkilən fotolar həmin zirehli transpartyordan, həm Rusiya, həm də Suriya ordusunun istifadə etdiyini göstərir.
“BTR 82A” böyük imkanlara malikdir, amma İŞİD bu maşından da güclülərini məhv edib və ələ keçirib. Bu BTR-lərin Suriyaya göndərilməsi, Əsədin xilası üçün Rusiyanın yerüstü döyüş əməliyyatları keçirmək niyyətində olduğunu göstərir. Əgər “BTR -82A” Rusiyanın böyük quru əməliyyatlara başlayacağının xəbərçisidirsə, onda bu İŞİD-i ciddi şəkildə həyəcanlandırmalıdır.
Rusiya ordusunun Əsəd rejimi üçün verəcəyi ən mühüm töhfə kəşfiyyat məlumatlarından ibarət ola bilər.Düzdür, İŞİD mövqelərini müəyyənləşdirməkdən ötrü pilotsuz uşuş apratından Qərb qüvvələri istifadə etsə də, ancaq bu məlumatların heç biri Əsədə ötürülmür.
Pilotsuz uçuş aparatları quru qoşunlarını müdafiə etmək və rəqib haqqında lazımı məlumatlar toplamaq üçün bütün dünya ordularının əsas elementlərindən birinə çevrilib. Hətta İŞİD-in əlində də bir neçə bəsit model var. Hələlik Rusiyanın özünün hansı dronlarını (pilotsuz uçuş aparatları) Suriyaya yolladığı barədə tam olaraq məlumat yoxdur. Fotolar bu dronların, Yakovlev adına konstruktor bürosunda hazırlanmış “Pçyola 1T” (Пчела 1Т) olduğunu göstərir. Bu aparatlar kiçik uşuş məsafəli dronlardır və onlar taktiki komandir heyəti üçün məlumat toplamaq funksiyası yerinə yetirirlər. Amma bu gün Rusiyanın ixtiyarında bir neçə zərbə variantları olmaq şərti ilə, müxtəlif kəşfiyyat əməliyyatları həyata keçirən pilotsuz uçuş aparatları da var. Gözləmək olar ki, bu dronlar, həm Rusiya, həm də Suriya ordusunun effektivliyini ciddi şəkildə yüksəldə bilər.
