Onların da pensiyası YENİ QANUNLA hesablanacaq:
Milli Məclisin, Mərkəzi Seçki Komissiyası üzvlərinin və insan hüquqları üzrə müvəkkilin (Ombudsman) pensiya təminatında dəyişiklik ediləcək.
APA-nın məlumatına görə, bununla bağlı "Azərbaycan Respublikası Milli Məclisinin deputatının statusu haqqında”, "Azərbaycan Respublikasının İnsan hüquqları üzrə müvəkkili (ombudsman) haqqında” qanunlarda və Seçki Məcəlləsində dəyişikliklər layihəsi Milli Məclisin Əmək və Sosial siyasət komitəsi ilə Hüquq komitəsinin fevralın 20-də keçiriləcək iclasında müzakirəyə çıxarılacaq.
Dəyişiklik təklifinə əsasən deputatın, sabiq deputatın, Ombudsmanın, sabiq Ombudsmanın, onun ailə üzvlərinin, MSK üzvünün, sabiq üzvünün və ailə üzvlərinin pensiya təminatı "Əmək pensiyaları haqqında” qanuna uyğun hesablanacaq.
