Tanınmış türkiyəli ifaçı Serdar Ortaç növbəti dəfə Azərbaycan mahnısına müraciət edəcək.

Publika.az xəbər verir ki, o, uzun zamandır xəstəlikdən əziyyət çəkən Xalq artisti Könül Xasıyevanın repertuarından olan muğamlardan birini səsləndirəcək. Sənətçi bununla da Könül Xasıyevaya dəstək olacaq. Bu barədə təşkilatçı Nahid Emiloğlu sosial media hesabında məlumat verib:

“Serdar Ortaçın çox konsertini təşkil etmişəm. Bu sənəti, bizim muğamı sevir. İndi də gözəl sənətçimiz, səsinə heyran olduğum Könül Xasıyevanın repertuarından oxuyacaq”.

Qeyd edək ki, S.Ortaç bundan öncə Baloğlan Əşrəfovun “Nədəndir”, Məhəbbət Kazımovun “Pərişan” kimi mahnılarını ifa edib.