Azərbaycan Beynəlxalq Bankı və onun törəmə şirkətlərinin hazırda həbsdə olan əməkdaşlarının ailə üzvləri ölkə başçısı Ilham Əliyevə müraciət edib. Bir surəti də “Azadlıq” qəzetinə gndərilən həmin müraciətdə şikayətçilər yazır:

“Siz dəfələrlə çıxışlarınızda qeyd etmisniz ki, yerli istehsal sahələri inkişaf etməlidir və dövlət bu sahələrin inkişafına dəstək verməkdədir. Bu baxımdan bəzi məqamları nəzərinizə çatdırmaq istəyirik. Məqsədimiz məsələlərin daha obyektiv araşdırılması və adekvat addımların atılması yönündə Sizdən kömək istəməkdir.
Nazirin məhv etdiyi zavodları siyahısı yayıldı 
Bildiyiniz kimi Azərbaycan Beynəlxalq Bankının işi üzrə bank rəhbərliyində və törəmə şirkətlərin rəhbərliyində təmsil olunan və hətta hər hansı bir inzibati vəzifə tutmayan şəxslər kredit məsələlərinə görə aylardır azadlıqdan məhrum edilib. Həbs edilən bu şəxslərin bəziləri həqiqətən kredit almış və kreditləri layihlər üzrə yatırmışdır. Digər qismi isə ümumiyyətlə kreditləşmə əməliyyatlarında birbaşa və dolayı yolla iştirak etməmiş və əbəs yerə azadlığı əlindən alınmışdır.

Hörmətli cənab Prezident!

Nəzərinizə çatdırmaq istəyirik ki, ABB ASC-dən alınan kreditlər tam təyinatı üzrə istifadə edilmiş, onların istifadəsi regionların iqtisadi-sosial proqramı konseptinə uyğun olaraq həyata keçirilmiş, minlərlə insanların məşğulluğu təmin edilmişdir. Hazırda müəssisələrin əksəriyyətində rəhbərlik bu kredit məsələlərinə görə dəyişdirilmiş və qeyri-peşəkarlara həvalə edilmişdir. Məhz bu səbəblədir ki, qeyri-peşəkar idarəetmə müəssisələrin fəaliyyətində durğunluğa səbəb olmuş, bu isə dövlətin siyasəti ilə uzlaşmamaqla bərabər işsizliyə səbəb olmuşdur.

Sizin siyasətinizin icrası olaraq həmin kreditlərin təyinatı üzrə istifadəsi ilə açılmış müəssisələr aşağıdakılardır

CTC Aqro zavodu – Pambıq istehsalı və yığımı üzrə ixtisaslaşmış bu zavod əsasən Aran zonasında pambıq istehsalı və tədarükü ilə məşğul olur. Bu müəssisənin tərkibinda 4 zavod fəaliyyət göstərməkdədir. 2006-cı ildən fəaliyyət göstərən zavodda 180 daimi, 250 mövsümi işçi çalışır. Orta aylıq əmək haqqı 220-270 manatdır. Istehsal olunan məhsullar Türkiyə, Rusiya və Gürcüstana ixrac edilir, eləcə də daxili bazarlara çıxarılır. Zavod əsasən Beyləqan və Imişli rayonlarından tədarük olunan xammalla işləyir. CTS-Aqro-nun Beyləqan, Ağcabədi, Saatlı və Əli Bayramlıda fəaliyyət göstərən dörd zavodunda, habelə altı rayondakı pambıq qəbulu məntəqələrində 5 minədək daimi işçi çalışır. Məhz Siz 18 aprel 2008-ci il tarixində həmin müəssisənin Beyləqanda olan pampıqtəmizləmə zavodunda olmuş, istehsal prosesi ilə yaxından tanış olmusunuz.

2) İnter Tobacco zavodu – Azərbaycan müstəqillik əldə etdikdən sonra tütün istehsalı, tədarükü və ixracatı üzrə ixsisaslaşmış yeganə zavoddur. Zavod öz fəaliyyətini Şəki-Zaqatala iqtisadi zonasında qurmuş və həmin zonada bir neçə rayonda fəaliyyətdə olan məntəqələri mövcuddur. Bu müəssisə insanlara tütünçülük fəaliyyətində yardım etmiş, onları bu fəaliyyətə təşviq edərək, məşğulluqla təmin etmişdir.

3) Bakı Fındıq Emalı Zavodu- Fındıq emalı sahəsində reginun ən böyük şirkətlərindəndir.

4) İnter Glass Zavodu- Bu şirkət Azərbaycanda şüşə istehsalı sahəsində ixtisaslaşmış yeganə və ən böyük şirkətdir. Şirkət şuşə istehsalından sahəsində ən son texnologiya ilə təchiz edilmiş və həmin zavodun əksər avadanlıqları Almaniyadan ixrac olunmuşdur. Həmin zavod öz fəaliyyətini Gürcüstanda genişləndirmək məqsədilə ərazi belə satın almışdır. Lakin məlum səbəblər Gürcüstanda törəmə müəssisənin açılmasına maneçilik etmişdir.

5) Oğuz Qlukoza Zavodu-Bu müəssisə də regionda yeganə ixtisaslaşmış müəssisədir. Hansı ki, müəssisədə G40 qlukozası ilə bərabər müxtəlif yönlü yeni qlukozaların istehsalı da planlaşdırılır. Həmçinin bu müəssisədə F55 və F42 Fruktozanın, quru nişastanın istehsalı da əsas fəaliyyət istiqamətlərindəndir. Bu məhsulların istehsalı üçün xaricdən yüksək təcrübəyə malik mütəxəsisslər və avadanlıqlar gətirilmişdir.

6) BOT ayaqqabı fabriki: Bu fabrik uzun illər hərbi ayaqqabılara olan daxili ehtiyacı qarşılamış və NATO sertifikatı ilə təltif edilmiş hərbi ayaqqabılar istehsal etmişdir.

7) Şəki Aqro Zavodu: Regional damazlıq sahəsində fəaliyyət göstərməkdədir. Əsas fəaliyyət istiqaməti isə südcülük-maldarlıqdır.

8) General-Construction Şirkəti: Azərbaycanın ən böyük tikinti, yenidənqurma şirkətlərindəndir.

Şəki Olimpiya Kompleksi: Şəkidə yerləşən idman mərkəzi onlarla şəxsin məşğulluğunu təmin etməklə bərabər, əhalinin sağlamlıq mərkəzidir.

10) Fuceyra Əmirliyində yerləşən İntertekstil və İnterstil Zavodu: Alınan kreditlərin müəyyən hissəsi bu zavodlara yönəlmiş, hazırda zavodlar yeni rəhbərliyin naşı davranışına görə iş potensialını və işgüzar əlaqələrini itirməkdədir. Bu da həmçinin müəssisənin rentabellyinin, həmçinin dəyərinin azalmasına səbəb olmaqdadır. Həmin müəssisələr Maliyyə Nazirliyinin nəzarəti altında dəyər-dəyməzə satılmaq üçün bazara təklif edilmişdir. Həmin zavodların 50 faiz səhmdarı olan Hüseyn Marayev səhmdarlar arasına təsüdüfən düşmüş insandır. Zavod satıldıqda isə əsassız olaraq Hüseyn Marayev əldə olunan vəsaitə 50 faiz həcmində yiyələnəcəkdir. Bu isə özlüyündə həmin zavodlara görə həbsə atılmış şəxslərin əsassız olaraq azadlıqdan məhrum edilməsinin göstəricisidir.

11) AzMeCo Metanol Zavodu: Regionda öz fəaliyyət istiqamətinə görə ən böyük zavod olmaqla bərabər, minlərlə şəxsin iş yeri olub.

Çox təəssüflər olsun ki, hazırda yuxarıda qeyd olunan müəssisələrə Maliyyə Nazirliyi tərəfindən təyin edilmiş idarəçilər müəssisələrin fəaliyyətini iflic vəziyyətinı salmış, biznes əlaqələri yox etmiş, kütləvi işsizliyə səbəb olmuşdur. Məhz yeni rəhbərliyin qeyri-səriştəsizliyidir ki, həmin müəssisələr aldıqları krediti qaytara bilmir, hansı ki, bizim ailə üzvlərimiz o müəssisələrə rəhbərlik etdiyi zamanda kreditlər vaxtında qaytarılmış, nəticədə həm Bank, həm də müəssisələr gəlir əldə etmişdir. Maliyyə naziri qeyd edir ki, alınan kreditlər üzrə edilən yatırımlar qeyri-rentabelli layihələrə xərclənib. Necə olur ki, bizim ailə üzvlərimiz müəssisələrə rəhbərlik edəndə müəssisə gəlirli olur, onların təyin etdikləri şəxslər rəhbərlik edəndə isə yox? Bunun bir cavabı var, şəxsi ambisiyaları naminə qeyri-peşəkarcasına müəssisələr iflasa uğradılmış, nəticədə ölkə iqtisadiyyatına zərər vurulması ilə bərabər işsizlik yaranmışdır.
Nazirin məhv etdiyi zavodları siyahısı yayıldı 
Bu məqamda onu da nəzərinizə çatdırmaq istəyirdik ki, Fuceyra Əmirliyində fəaliyyət göstərən İntertekstil və İnterstil zavodları rentabelliyinə və təchizatına görə həmin zavodlar üçün alınmış krediti öz dəyərləri ilə ödəmək iqtidarındadır. Lakin bizdə olan məlumata görə, Maliyyə Nazirliyinin rəhbərliyi və Hüseyn Marayev bu zavodu satarkən müqavilə maliyyə dəyərini az göstərməklə kreditin tam qaytarılmamasına zəmin yaradacaq, zavod komplekslərinin real dəyər ilə müqavilə dəyəri arasında olan fərq məbləğini isə mənimsəmək niyyətindədirlər.

Hüseyn Marayev həmin layihələrə bir manat olsun sərmayə qoymamışdır. Bu gün Maliyyə Nazirliyinin rəhbərliyinin addımı ilə həmin şəxs heçdən zavodların yarısına yiyələnib. Əsl mənimsəmə faktı da bundan ibarətdir. Həmçinin kredit məsələsinə görə cinayət işi 2015-ci 7115ilin may ayında başlanılsa da, oktyabr ayında kompleks maliyyə təsərrüfatının yoxlanılmasına dair qərar verilmişdir. Həmin qərardan əvvəl isə bizim ailə üzvlərimiz xeyli müddət idi ki, həbsdə yatmaqdadır. Maliyyə yoxlaması müsbət nəticə verdikdə isə yaxınlarımızın günahsız olaraq həbsdə qalmasına səbəb olacaqdır. Həmçinin onu da nəzərinizə çatdırmaq istəyirik ki, bu layihələr üzrə açılmış cinayət işinin istintaqını aparan DIN Baş Mütəşəkkil Cinayətkarlıqla Mübarizə Idarəsi maliyyə təsərrüfat fəaliyyəti üzrə ixtisaslaşmadığı üçün məsələdə çətinlik çəkir, bu isə öz növbəsində obyektiv qiymətləndirmənin olmamasına zərurət yaradır. Xahiş edirik bu məsələni diqqətdə saxlayasınız”.

Qeyd edək ki, bu müracətin indi yayılması təsadüfə oxşamır. İddialara görə, bu müraciət Cahangir Hacıyevin tövsiyyəsi ilə hazırlanıb. İstiqlal.az-a daxil olan məlumata görə,Samir Şərifova həlledici zərbəni Cahangir Hacıyevin özü vurmaq istəyir. Bankirin həbsdə maliyyə naziri ilə bağll kifayət qədər ciddi məqamların yer aldığı dosye hazırlayıb. Cahangir Hacıyev hələlik bu dosyenin daxildə araşdırılmasını istəyir. Əgər bu baş verməsə bankirin dosyeni ictimailəşdirəcəyi şübhəsizdir. Bu isə Samir Şərifova sarsıdıcı zərbə ola bilər.
Nazirin məhv etdiyi zavodları siyahısı yayıldı 
Onu da qeyd edək ki, mətbuatda Cahangir Hacıyevin Mərkəzi Bankın rəhbəri Elman Rüstəmov və maliyyə naziri Samir Şərifovla üzləşdirilməsini tələb ediyinə dair də məlumatlar yayılıb. Daxil olan məlumata görə, C.Hacıyevin hər iki maliyyəçi ilə üzləşdirilməsi baş tutarsa, böyük maliyyə cinayətləri ilə bağlı həbslərin dairəsi genişlənə bilər: “Cahangir Hacıyev istintaqa vəsatətlə müraciət edib ki, onun Elman Rüstəmov və Samir Şərifovla üzləşdirilməsi təmin olunsun. Sabiq bankir üzləşdirmənin protokollaşdırılmasını və cinayət işinin materiallarına əlavə olunmasını da tələb edir. Cahangir Hacıyevin mövqeyi belədir ki, o, Beynəlxalq Bankdan kreditləri təkbaşına verməyib. Çoxmilyonluq kreditlərin verilməsinə nəzarət edən qurumların rəhbərləri məhz bu iki şəxs olub. Məlumdur ki, Mərkəzi Bank ildə bir neçə dəfə ölkədə fəaliyyət göstərən bankları, həmçinin Beynəlxalq Bankı yoxlayıb və bu gün də yoxlayır”.