TEMPERATUR RƏSMİ proqnozdakından yüksəkdir?..
Yay fəsli gələndən Azərbaycanda anomal hava şəraiti hökm sürür. Temperatur göstəriciləri 40 dərəcə ətrafında dəyişir. Bu cür hava şəraiti əksəriyyətin narahatlığına səbəb olur. Xüsusilə də açıq havada işləyən insanlar, gün altında gəzmək məcburiyyətində qalanlar istilərdən əziyyət çəkirlər. Bu baxımdan temperaturun rəsmi proqnozlarda deyilən rəqəmlərdən daha yüksək olduğunu iddia edənlər də az deyil. Maraqlıdır, temperatur göstəricilərinin qeyd edilənlərdən yüksək olma ehtimalı nə dərəcədə doğrudur? “Xəbərdarlıqda göstərilib ki, Bakıda və Abşeron yarımadasında havanın temperaturu 40 dərəcəyədək, bəzi ərazilərdə 41 dərəcəyədək, respublikanın aran rayonlarında, Naxçıvan Muxtar Respublikasında havanın maksimal temperaturu 43 dərəcəyədək yüksələcək. Ümumiyyətlə 35 dərəcədən yüksək olan temperatur göstəricisi artıq anomal isti hava şəraiti kimi qiymətləndirilir. Hazırda havanın temperaturu iqlim normadan 6 dərəcəyədək yüksəkdir. Eyni zamanda, Azərbaycan dünyanın digər ölkələri kimi Ümumdünya Metrologiya təşkilatının üzvüdür. Üzv ölkə kimi təşkilatın tələblərinə uyğun olaraq öz müşahidə şəbəkəsini qurub. Ölkədə 68 avtomatlaşdırılmış metrostansiya var və orada məlumatlar avtomatik olaraq hidrometrologiya mərkəzinə daxil olur. Müşahidələrin aparılması üçün qaydalar tətbiq olunub. Bütün ölkələrdə bu məlumatların müqayisəli olması üçün həm eyni vaxtda aparılır (üç saatdan bir), həm də metrostansiyaların qurulmasına dair təlimatlar mövcuddur. Buna uyğun olaraq metro meydançada səth örtüyü asfalt olmamalıdır, orada qurunt örtüyüdür, həmçinin yaxınlıqda uca binalar, tikintilər olmamalıdır. Çünki bütün bu obyektlər havanın obyektiv temperatur göstəricisinə təsir edən amillərdir. Ekologiya Nazirliyinin təqdim etdiyi temperatur göstəricisi Ümumdünya Metrologiya təşkilatının təqdimatlarına uyğun olaraq aparılan müşahidələrin nəticələridir”. “Lakin burda əsas məsələ insanların narazılığıdır. Bilirsiniz, iqlim dəyişmələri ilə bağlı son illərdə bir çox ölkələrdə, xüsusilə şimal yarımkürəsində yay aylarında havanın maksimal temperaturu artıb. Dünya təcrübəsində şəhər şəraitində “istilik adaları” anlayışı var. Yəni hər bir ərazinin öz mikroiqlim şəraiti yaranır. Və binalar sıx olan, asfalt örtüyü yerlər günəş şüalarının birbaşa təsiri altında qızır və öz istisini havaya verir. Əgər biz Bakı şəhərinin müxtəlif küçələrində temperatur göstəricilərini ölçsək, fərqli nəticələr əldə edəcəyik. Bu da şəhərin mikroiqlim göstəriciləri olacaq. Ona görə də parklarda, yaşıllıq olan yerlərdə havanın temperaturu digər yerlərə nisbətən aşağı olur. Bu baxımdan Ekologiya və Təbii Sərvətlər Nazirliyinin Hidrometrologiya departamentinin təqdim etdiyi temperatur obyektivdir”. AzerTaym.az 
Ekologiya və Təbii Sərvətlər Nazirliyinin Ekoloji maarifləndirmə və ictimaiyyətlə əlaqələr şöbəsinin İctimai təşkilatlarla iş, ekoloji maarifləndirmə və elm sektorunun müdiri Umayra Tağıyeva açıqlamasında öncə qeyd edib ki, ölkə ərazisində gözlənilən anomal istilər haqqında nazirlik həm əhalini, həm də əlaqədar təşkilatları qabaqcadan xəbərdarlıq edib:
Nazirlik rəsmisi temperatur göstəricilərinin qeyd edilənlərdən yüksək olma ehtimalı fikirlərinə də münasibət bildirib:
