Bu gün Rusiya prezidenti Vladimir Putinin Türkiyəyə səfər edəcək.

“RİA-Novosti” agentliyi xəbər verir ki, İstanbulda Vladimir Putinlə Türkiyə prezidenti Rəcəb Tayyib Ərdoğan ikitərəfli münasibətləri və beynəlxalq problemləri müzakirə edəcəklər.

“Putin və Ərdoğanın görüşündə Rusiya-Türkiyə münasibətlərinin sonrakı inkişafı məsələləri, aktual regional və beynəlxalq problemlər müzakirə ediləcək”, - Kremlin mətbuat xidmətinin xəbərində deyilir.

Gözlənilir ki, Putin və Ərdoğan videokonfrans rejimində “Türk axını” qaz kəmərinin dəniz bölməsinin tikintisinin tamamlanması mərasimində iştirak edəcəklər.