Koronavirusdan necə qorunaq? - Məşhur loğmandan TÖVSİYƏ

Statistika göstərir ki, müxtəlif ölkələrdə hər il minlərlə adam adi qripdən ölür. Kimdir bu ölənlər? Əlbəttə, immun sistemi zəyif olanlar. İmmun sistemi - orqanizmin müdafiə xətdidir. Orqanizm kimdən müdafiə olunur?
Dünyada hər şey qoşa gəzir: olum və ölüm, xeyir və şər, gecə və gündüz, isti və soyuq yaş və quru və s. İnsan orqanizmi də özlüyündə bir dünyadır. Orda da sağlamlığı qoruyan 70 trilyonluq hüceyrə ordusu, sağlamlığın düşmənləri (N qədər) mikrob ordusu ila üz-üzə dayanıb. Vicudumuzda daima mübarizə gedir.
Kimin qalib gəlməsi biz can sahiblərindən asılıdır. Aqillərdən biri deyib ki insan özünə ya həkimdir ya qənim. Yəni, biz sağlamlığı müdafiə edən möhnətkeş hüceyrələri sağlam və zəngin qanla təchiz ediriksə, müdafiə xətti güclənir, bu halda biz özümüzün həkimi kimi çıxış edirik, yox, əgər damarlara çürük qan doldururqsa - “əskərələr” qırılır, artıb-törəmir - oluruq özümüzün qənimi. Biz düzgün qidalanmırıqsa, qeyri-sağlam həyat tərzi keçirirksə - mikroblar sürətlə artıb-törəyir və düşmən ordusu güclənir.
Bu iki qüvvənin mübarizəsi haqqında fikir söyləyən dünya şöhrətli təbib, 3 ölkənin (Almaniya, İtaliya, Rusiya) Tibb Elmləri doktoru Abram Zalmanov yazırdı: “Mikrob özü-özlüyündə - heç nədir! Əsas məsələ onun düşdüyü mühitdir”. Əgər immun sistemi güclüdürsə - mikrobun əl-qol açması üçün şərait yoxdursa - düşmən ordusu təhlükəli deyil. Əgər düzgün qidalanmırıqsa, yoğun bağırsaq çirklidirsə - hüceyrələr sürətlə qırılır, mikroblar eyni sürətlə artıb törəyir və güclənir.
Nə üçün “koronavirus” məhz 60 yaşdan yuxarı olan ahıllar üçün təhlükəli sayılır? Çünki yaşlı orqanizmin müdafiə xətti çox zəyifləmiş olur. Amma elə yaşlılar da var ki, heç bir virsdan qorxmur. Çünki o, düzgün qidalanır və onun immun sistemi güclüdür.
Müdafə xəttini gücləndirmək istəyən hər kəs “MÖCÜZƏSİZ MÖCÜZƏ - 5” kitabında geniş formada verdiyim aşağıdakı rejimə dəqiq əməl etməlidir:
1.Saat 22-də yatıb, 06-da durmaq. Dərhal 300-400 qram çiy (olmasa qaynamış) suya 2 çay qaşığı alma sirkəsi, 1 çay qaşığı bal qatıb ilıq şəkildə qurtum-qurtum içmək. 40-60 dəqiqə bədən tərbiyəsi ilə məşqul olmaq, kontrast su vannası, mümkün olmasa “duş” qəbul etmək, yaxud yaxalanmaq. 1 stəkan itburnu və qarağilə dəmləməsinə 1 limon və 1 çay qaşığı bal qatıb içmək. 1 stəkan meyvə şirəsi, 20-30 dəqiqədən sonra 1 stəkan tərəvəz şirəsi içmək. Nahara qədər çiy su qəbulunu davam etdirmək olar.
2. Nahar yeməyi: 1 stəkan itburnu və qaragilə dəmləməsi içdikdən sonra 1 nimçə tərəvəz salatı ilə 1 növ xörək (çörəksiz) yemək. Şam yeməyinə kimi çiy su qəbulunu davam etdirmək olar.
3. Şam yeməyi:1 stəkan itburnu və qaragilə dəmləməsindən sonra 1 nimçə tərəvəz salatı ilə 5-8 qoz və ya 10-15 fındıq və ya 10-15 badam, təzə kəsmik və ya şor və ya təzə pendir və ya təzə qatıq yemək.
Qeyd: ancaq qabıqlı qozdan istifadə edin, heç vaxt ləpə almayın. Çörəyi tərgidə bilməyən zəif iradəli adamlar onu günün altında qurudub, salatla heç nəsiz yesin. Bütün un məmulatları, şəkər, şirniyat, şokalad, tort, ət və ət məmulatları, qara çay, kofe, kakao, fanta - hüceyrələri qırır və mikrob ordusunu gücləndirir.
“Koronavirus” natəmiz KİV-nin məqsədyönlü şəkildə şişirdilən mikrobdan başqa bir şey deyil. Lakin, digər mikroblar kimi, bu mikrob da, qeyri-sağlam həyat tərzi keçirən qarınqulu insanlar üçün təhlükəlidir. Nəfsə qalib gəlməyi bacarın!..
Ərşad Əzimzadə,
“Ana Təbiət“ NGM-nin rəhbəri, yazıçı-jurnalist






Fikirlər