İtaliyanın paytaxtı Romada “Böyük İyirmiliyin” (G20) üzvü olan dövlət və hökumət başçılarının sammiti başlayıb.

 “TASS”  xəbər verir ki, sammit Romada “Nuvola” konqres mərkəzində keçirilir. 

Sammitin sədri, İtaliyanın Baş naziri Mario Draqi sammitdə iştirak üçün mərkəzə gələn iştirakçıları qarşılayıb.

Qeyd edək ki, sammitdə ABŞ Prezidenti Co Bayden, Türkiyə Prezidenti Rəcəb Tayyib Ərdoğan, Böyük Britaniyanın Baş naziri Boris Conson, Almaniya kansleri Angela Merkel, Fransa Prezidenti Emmanuel Makron və başqaları iştirak edir. Rusiya Prezidenti Vladimir Putin isə görüşə videoformatda qatılacaq. 

Sammit sabah da davam edəcək.