MİLYONLARI MƏNİMSƏYƏN məmur qohumu haqda HƏBS QƏRARI

Milyonları mənimsəyən məmur qohumu haqda həbs qərarı

Bakıda külli miqdarda dələduzluqda təqsirləndirilən Rahib Hüseynovun cinayət işi üzrə məhkəmə prosesi keçirilib.
Axar.az xəbər verir ki, Bakı Ağır Cinayətlər Məhkəməsində hakim Mirzə Xankişiyevin sədrliyi ilə baş tutan prosesə Rahib Hüseynovun gəlmədiyi məlum olub.
Buna görə məhkəmə onun barəsində seçilən ev dustaqlığı qətimkan tədbirini dəyişdirib.
Məhkəmənin qərarı ilə Rahib Hüseynovun barəsində həbs qətimkan tədbiri seçilib.
Rahib Hüseynovun tutulması üçün məhkəmə qərarı Daxili İşlər Nazirliyinə göndərilib.
Qeyd edək ki, prokuror Rahib Hüseynovun 10 il müddətinə azadlıqdan məhrum edilməsini istəyib.
Həmçinin Rahib Hüseynovun barəsində başqa yerə getməmək barədə qətimkan tədbirinin ləğv edilməsini, məhkəmə zalından həbs edilməsini tələb edib.
İttihama görə, Rahib Hüseynov külli miqdarda əmlakı ələ keçirib. O, zərərçəkmiş Tovuz rayon icra hakimiyyətinin başçısının oğlu Qoşqar Zeynalovun 4 milyon 300 min manat pulunu alıb və Azərbaycan Dəmiryolları QSC-yə yataq dəstləri gətirmək adı ilə aldadıb. Bundan başqa, Rahib Hüseynov vətəndaş Namiq Mehdiyevə də qarşı dələduzluq edib.
Rahib Hüseynov Cinayət Məcəlləsinin 178.3.2-ci (dələduzluq, külli miqdarda törəldildikdə) maddəsi ilə ittiham olunur. Onun barəsində polisin nəzarətinə verilmə qətimkan tədbiri seçilib.
Elan olunmuş ittiham üzrə Rahib Hüseynov özünü təqsirli bilmədiyini deyib.
Rahib Hüseynovun digər qardaşı Emil Hüseynov da dələduzluqda ittiham edilib. Onun barəsində cinayət işi hazırda Bakı Ağır Cinayətlər Məhkəməsində hakim Zeynal Ağayevin sədrliyi ilə baxılıb. Məhkəmənin hökmü ilə Emil Hüseynov 9 il cəza alıb. O, məhkəmə zalında həbs edilib
Emil Hüseynov Tural Hüseynovun etibarından sui-istifadə edərək, ondan 382 min dollar, Namiq Mehdiyevdən 80 min manat, Emil Məmmədovdan 2 milyon 500 min dollar və Mərziyyə Rzayevadanisə 19 500 manat pulu dələduzluq yolu ilə ələ keçirib. Həmin şəxslərin hüquq-mühafizə orqanlarına şikayətindən sonra cinayət işi başlanılıb.
Cinayət materiallarına əsasən, Emil Hüseynov Gürcüstan Respublikasından izolyasiya və digər materiallar gətirmək adı ilə həmin vətəndaşları aldadıb.
O, Cinayət Məcəlləsinin 178.3.2-ci (dələduzluq, külli miqdarda törəldildikdə) maddəsi ilə ittiham olunur.
Xatırladaq ki, Emil Hüseynov və Rahib Hüseynov sabiq nəqliyyat nazirinin müavini Arif Əsgərovun baldızı oğludur.
Qeyd edək ki, cinayətdə adı hallanan Elnar Əsgərov Arif Əsgərovun oğludur.





Bənzər xəbərlər
  • Arif Əsgərovun BALDIZI oğluna 9 il cəza istənildi
  • Arif Əsgərovun BALDIZI OĞLU xəstəxanaya yerləşdirilib
  • Arif Əsgərovun bacanağı: “Oğlum Elnar Əsgərovun dediyini edib” -
  • Arif Əsgərovun baldızının oğlu qalan zərəri ödəmək üçün vaxt istədi:
  • Arif Əsgərovun baldızının oğlunun işi

    • Fikirlər