Moderator.az xəbər verir ki, kənd təsərrüfatı üzrə tanınmış mütəxəssis Vahid Məhərrəmli Rusiyadan Azərbaycana idxal olunan ərzaq buğdasında zəhərli maddələrin olması ehtimalı ilə bağlı vətəndaşlarımızı diqqətli olmağa səsləyib:

“Bu gün Rusiyadan Livana göndərilən ərzaq buğdasında insan orqanizmi üçün zəhərli olan ochratoxin maddəsi aşkar olunub. Bu zəhərli maddəni kif göbələkləri əmələ gətirir. Bu maddə böyrəklərin normal funksiyasına neqativ təsir göstərir, insan immunitetini zəiflədir və orqanizmdə bəd xassəli şişlərin yaranmasına səbəb olur. Bu xəbərdarlığı ona görə etdim ki, ehtiyatlı olasınız, çünki Azərbaycan da ərzaq buğdasını Rusiyadan idxal edir. Çox təəssüflər olsun ki, ölkəyə gətirilən malların, məhsulların keyfiyyətinə ciddi nəzarət olunmur”.