Bakıda yol polisi yarım milyonluq "Lamborghini” markalı avtomobili cərimə meydançasına salıb.

AzerTaym.az xəbərinə görə, bu barədə Criminal.az-a maşının sahibi Xəyal Tağızadə məlumat verib. "Lamborghini”nin sahibi avtomobilinin cərimə meydançasına salınmasında mətbuatı günahlandırıb.

Belə ki, ötən gün avtosfer.az-da "'Bahalı maşını Bakıda Dubay nömrəsi ilə sürən kimdir?” başlıqlı yazı dərc edilib. Həmin yazıda qeyd olunub ki, L 1117 Dubay nömrəli "Lamborghini” Bakıda bir neçə aydır sürülür.

X.Tağızadə bü gün onu da əlavə edib ki, avtomobil ona məxsusdur və avqust ayında Dubaydan Bakıya gətirilib: '”Maşının 3 ay Bakıda Dubay nömrəsi ilə idarə olunması üçün icazəsi var. Mən nə məmur oğluyam, nə də avtoş... Niyə rahat yaşamağa qoymursunuz bizi? Fəxr etməlisiniz ki, azərbaycanlı "Lamborghini” sürür. Mən halal pulla qazanıb maşın almışam. Bir həftədən sonra maşın yenidən Dubay şəhərinə aparılacaq”.