Ötən gündən etibarən Suriyada İŞİD-ə qarşı hərbi hava əməliyyatlarına başlayan Rusiya Hərbi Hava Qüvvələrinə məxsus qırıcılar prezident Bəşər Əsədə müxalif olan Azad Suriya Ordusunun üzvlərini bombalayıb.

Publika.az-ın xarici mediaya istinadən verdiyi məlumata görə, Rusiya qırıcıları Xüms şəhərini bombalayıb.

Azad Suriya Ordusunun yaydığı bəyanatda görə isə Xüms şəhərinin bombalanması nəticəsində onlarla Suriya müxalifətçisi həlak olub.

Suriya Koordinasiya Komitəsinin yaydığı bəyanatda isə deyilir ki, rus qırıcıları Xüms və Xama şəhərlərində müxalifətin nəzarət etdiyi bölgələri bombalayıb. Bombardman nəticəsində 32 dinc sakin həlak olub.