Rusiya prezidenti Putinin Qara dəniz sahilindəki dəbdəbəli iqamətgahına əlavə edilən gizli sığınacağın görüntüləri ortaya çıxıb.

Manset.az-ın xarici mediaya istinadən məlumatına görə, Rusiya prezidenti Vladimir Putinin Qara dəniz sahilindəki dəbdəbəli malikanəsinə bitişik sığınacağı ortaya çıxıb. ABŞ-ın aparıcı media qurumlarından olan “Business Insider” milyard dollarlıq yaşayış kompleksinin təfərrüatlarını paylaşıb. Putinin dəbdəbəli iqamətgahında qəlyan salonu, şərab zirzəmisi, kilsə, buz meydançası və helikopter meydançasını var.

Putinin iqamətgahındakı gizli bunkerin təfərrüatlarını və planlarını rusiyalı müxaliflər də paylaşıblar. Yayımlanan sənədlərdə lüks iqamətgahın altında gizli liftin olduğu və 50 metr aşağı enərək Qara dəniz sahilinə çıxışı təmin etdiyi göstərilir.

Bir müddət Rusiyada xidmətdə olan podratçı şirkət Metro Style-nin məlumatlarını paylaşan Business Insider, “Memarlıq təsvirlərinə görə, tunellər çox qalın betondan hazırlanır və təmiz su və təmiz hava təmin edilir. Bunkerdə qalan VIP-lər günlərlə, hətta aylarla sağ qala bilərlər”.

Struktur mühəndisi Thaddeus Gabryszewski görüntüləri nəzərdən keçirərək, “Bu tunellərdə prioritet təhlükəsizlikdir. Yanğından qorunma sistemi var. Su və kanalizasiya sistemi var. Bu, insanın yaşaması üçün lazımdır” – deyib. Xəritə və çertyojlarda tunellərin uzunluğunun 40-60 metr, eninin isə 6 metr olduğu da qeyd olunub.