"İslam alyansı" ölkələri İŞİD-in maliyyə qaynaqlarını kəsəcəklər

"İslam alyansı" ölkələrinin birinci yığıncağında İŞİD-ə qarşı effektiv mübarizə aparmaq üçün qərarlar qəbul olunub.

Ölkə.az xəbər verir ki, Səudiyyə Ərəbistanının paytaxtı Ər-Riyad şəhərində Alyansa üzv olan ölkələrin ordularının baş qərargah rəisləri toplaşıblar.

Toplantıda İŞİD-in maliyyə qaynaqlarının üzə çıxarılması və kəsilməsi haqda qərar qəbul edilib.

Xatırladırıq ki, "İslam alyansı"na 34 müsəlman dövləti daxildir. Alyans Səudiyyə Ərəbistanı, Katar, Türkiyə və Pakistan kimi böyük müsəlman dövlətlərinin təşəbbüsü ilə yaradılıb.