“Eynullaya görə məni 2 saat bölmədə saxladılar”
Bu gün səhər bir qurup QAT üzvünü Səbayil rayonu 8-ci polis bölməsinə aparılması, QAT sədri Akif Nağının isə Bakı Baş Polis İdarəsinə çağırılması ilə bağlı xəbər vermişdik. Bildirmişdik ki, polis bölməsində QAT üzvləri Nəsib Cəfərov, Cəfər Həşimov, Kəmalə Əliyeva, Paşa Dadaşov, Elşad Əliyev, Murad Məhərrəmli, Bəhlul Heybətov, Mahir Rzayev və Ömər Ömərovdan təkrar izahat alınaraq, işi Səbayil rayon məhkəməsinə göndəriblər. Onu da qeyd etmişdik ki, QAT üzvləri erməni müğənni Filip Kirkorovun konsertinə etiraz etdikləri üçün ittiham edildiklərini iddia edirlər. 
