“Təhsil Nazirliyindən daxil olmuş müvafiq əmrlərə əsasən, 2018-2019-cu tədris ilində və yeni dərs ili ərəfəsində 29 məktəbə (97, 38, 175, 212, 144, 248, 28, 150, 169, 184, 219, 220, 235, 250, 306, 293, 327, 301, 75, 90, 107, 128, 307, 162, 29, 260, 221, 26, 123) direktor vəzifəsinə yeni təyinat olub, 13 məktəb direktorunun iş yeri dəyişdirilib”.

“AzerTym.az" bildirir ki, bu barədə Bakı Şəhəri üzrə Təhsil İdarəsinin (BŞTİ) müdiri Rəşad Tağıyev “Bakı təhsili: uğurlar və hədəflər” mövzusunda keçirilən konfransda bildirib. O, qeyd edib ki, 111 nəfər məktəb direktorunun müddətli əmək müqaviləsinin müddəti uzadılıb. Eyni zamanda 4 direktorla (192, 71, 162, 123) bağlanmış əmək müqaviləsi (öz ərizəsi əsasında, işdə yol verdiyi nöqsanlarlara əlaqədar və s.) ləğv edilib:

“2018-ci ildə qeyd olunan vəzifələr üzrə işə qəbul müsabiqəsinin nəticələrinə uyğun olaraq, Ümumilikdə, 395 nəfərin işə qəbulu həyata keçirilib. Onlardan 61-i təlim-tərbiyə işləri üzrə direktor müavini, 25-i tərbiyə işləri üzrə direktor müavini (təşkilatçı), 30-u psixoloq, 29-u kitabxanaçı, 16-sı gənclərin çağırışaqədərki hərbi hazırlığı üzrə rəhbər, 44-ü uşaq birliyi təşkilatı rəhbəri, 190-ı laborant vəzifələrinə, 5-i BŞTİ-nin nəzdində fəaliyyət göstərən Təlimə Dəstək Mərkəzinə işə qəbul olunub.

2019-cu ildə müsabiqənin müsahibə mərhələsində uğurlu nəticə göstərən 404 nəfərin 246-sı vakansiya seçimi prosesinin nəticələrinə uyğun olaraq işə qəbul edilib. Onlardan 35-i təlim-tərbiyə işləri üzrə direktor müavini, 26-sı tərbiyə işləri üzrə direktor müavini (təşkilatçı), 8-i gənclərin çağırışaqədərki hazırlığı rəhbəri, 18-i psixoloq, 16-sı uşaq birliyi təşkilatı rəhbəri, 116-sı laborant, 27-si kitabxanaçı vəzifəsini seçib”.