Yüksək vəzifəli məmur işdən qovuldu – Zakir Həsənov mayoru necə “general” edib?
AzNews.az-a daxil olan məlumata görə, müdafiə naziri Zakir Həsənovun təqdimatıyla Prezident İlham Əliyev bununla bağlı əmr imzalayıb.
Tofiq Abbasovun maraqlı iş tarixçəsi var. O, Sovet ordusunda baş leytenant olduğu vaxt təxris olunub. Azərbaycan müstəqillik qazandıqdan sonra isə Abbasov Daxili Qoşunlarda hərbi xidmətini davam etdirməyə başlayıb və mayor rütbəsinə kimi yüksəlib.
Zakir Həsənov Müdafiə naziri vəzifəsinə təyin olunandan sonra o da nazirliyi dəyişir və MN-də fəaliyyətə başlayır. General-mayor Ramiz Tahirov Hərbi Hava Qüvvələrinə komandan, eyni zamanda müdafiə nazirinə müavin təyin olunandan sonra isə T.Abbasovla bağlı gözlənilməz əmr imzalanır. Mayor rütbəli şəxs birdən birə general vəzifəsinə - Hərbi Hava Qüvvələri Hava Hücumundan Müdafiə qoşunlarının rəisi, Hava Qoşunlarının komandan müavini təyin olunur.
Bir müddət sonra T.Abbasovu oxumaq üçün Çinə göndəriblər və ona polkovnik-leytenant rütbəsi veriblər. Ona belə bir jestin edilməsi də təsadüfi deyil. Belə ki, T.Abbasov tabeçiliyində olduğu Ramiz Tahirovla tələbə yoldaşı olub, onlar Kiyevdə birlikdə hərbi təhsil alıblar. Yəqin, nazirlikdə T.Abbasova qarşı xüsusi münasibətin, fantastik sıçrayışın kökündə də onun nazir müavini ilə yaxın əlaqələri dayanır. Amma görünür, Ramiz Tahirov sona qədər bu təcrübəsiz hərbçini qoruya bilməyib.
Saytımıza daxil olan məlumatda bildirilir ki, T.Abbasovun vəzifəsindən uzaqlaşdırılmasına və aşağı rütbəli posta təyin olunmasına səbəb onun işinin öhdəsindən gələ bilməməsidir.
Azər
AzNews.az
