Rusiyanın İstintaq Komitəsi azərbaycanlı iş adamı, Rusiyanın məşhur "Çerkizov" bazarının keçmiş sahibi Telman İsmayılova qarşı qiyabi olaraq qətl törətmək ittihamı irəli sürülüb.

AzerTaym.az Rusiya KİV-inə istinadən xəbər verir ki, bu haqda idarənin saytında bildirilir.

Komitə Telman İsmayılovun qətl törətməkdə təqsirləndirilən şəxs qismində istintaqa cəlb edilməsi haqqında qərar çıxarıb.

“İstintaqın məlumatına görə, Telman İsmayılov keçən il öldürülmüş iki sahibkar - Vladimir Savkin və Yuri Brılevin qətlinin təşkilatçısıdır. O, cinayətin törədilməsi planı öz qardaşları - Rafiq və Vaqif İsmayılovla birgə hazırlayıb. Mehman Kərimov cinayətin icraçısı kimi çıxış edib”, - xəbərdə deyilir.

Qeyd edilir ki, İsmayılovun beynəlxalq axtarış elanı üçün materiallar Rusiya Baş prokurorluğuna göndərilib.

Xatırladaq ki, Moskvanın Basman rayon məhkəməsi noyabrın 11-də iki qətlin təşkili və silahın qanunsuz dövriyyəsində ittiham olunan Telman İsmayılovun qiyabi həbsi barədə qərar verib və "İnterpol" xətti ilə beynəlxalq axtarışı elan edilib.

Müstəntiqlər əmindirlər ki, İsmayılov Moskvada öz ailəsinin imperiyasını genişləndirmək üçün ən azı səkkiz insanın qətlini sifariş verib.

AST Telman məşhur müğənninin qətlini sifariş verib - ŞOK İDDA

Biznesmenin özü isə qətllərin təşkili ilə əlaqəsinin olmadığını bildirib. O, ötən ay siyasi sığınacaq almaq xahişi ilə Fransa hakimiyyətinə müraciət edib. Qeyd edilir ki, biznesmen Provansda məskən salmağı planlaşdırır. İsmayılov daha əvvəl Türkiyədə yaşayırdı.

Məlumata görə, İsmayılov fransız xüsusi xidmət orqanları ilə söhbət zamanı onda Rusiyanın bütün güc strukturlarının rəhbərləri ilə bağlı kompramantların olduğunu bildirib. Sığınacaq barədə müraciətin müsbət cavablandırılacağı halda, o, bütün informasiyaları Fransaya verəcəyini deyib.