''Çox ağırdır'' – MESSİ
Argetina millisinin kapitanı Lionel Messinin Amerika kubokunun finalında Çiliyə məğlub olduqları oyundan sonra milli karyerasını başa vurduğu haqda xəbər vermişdik.
Qol.az-ın məlumatına görə, 29 yaşlı hücumçu oyundan sonra verdiyi açıqlamasında millidə bu cür davam etməyin ağır olduğunu bildirib:
“Mənim üçün milli komanda karyerası başa çatdı. Əlimdən gələn hər şeyi etdim. Mən qalib gələ bilmədiyimiz dörd finalda iştirak etmişəm. Bu, çox ağırdır. Cəhd elədim, alınmadı. Qalib gəlməyi hamıdan çox istəyirdim”.
Xatırladaq ki, Argentina final oyununda Çiliyə penaltilər seriyasında uduzub. Zərbələrdən birini Messi qola çevirə bilməyib.
