Türklərlə azərbaycanlılar bir-birini qırdılar
Türkiyə komandası ilə Azərbaycan oyunçuları stadionda əlbəyaxa olublar
Azertaym.az-ın Türkiyə mətbuatına istinadən verdiyi məlumata görə, Avropa Millətlər Kubokunun ENC3 qrupunda reqbi üzrə keçirilən Türkiyə və Azərbaycan komandaları arasındakı görüş təxirə salınıb. Buna səbə isə iki komanda arasındakı əlbəyaxa dava olub.
Qarşılaşmanın ilk yarısını Türkiyə 39-3 xal hesabı ilə öndə bitirib. Oyunun ikinci yarısı da 53-3 hesabı ilə Türkiyə xeyrinə olub.
Oyunun 65-ci dəqiqəsində isə iki komandanın oyunçuları arasında mübahisə yaranıb. Daha sonra yaranan mübahisə davaya çevrilib.
Hər iki komandanın oyunçuları bir-birini yumruqlayıb. Hətta azarkeşlərin davaya sözlə müdaxiləsindən sonra da Azərbaycan komandasının oyunçuları ilə azərkeşlər aralarında dava düşüb. Hakim oyundakı hadisələri nəzərə alaraq oyunu təxirə salıb.
Oyundan sonra jurnalistlərə açıqlama verən Türkiyə Reqbi Milli komandasının rəhbəri Niall Doherth heç vaxt bu cür gərginliklə rastlaşmadığını deyib: "Azərbaycan komandasının reqbi oynamağı düşündüklərini zənn etmirəm. Mənim oyunçularım çox uğurlu və qayda-qanunlara riyayət edirdilər. Öz oyunçularımla qurur duyuram".
