Ukrayna prezidenti Volodimir Zelenski Rusiya lideri Vladimir Putinə birbaşa mesaj ünvanlayıb.

Musavat.com xəbər verir ki, bu barədə Zelenski Ankarada keçirdiyi brifinqdə çıxışı zamanı danışıb.

““Düşünürəm ki, Kreml lideri əgər doğrudan da liderdirsə, bunu göstərməlidir. Əgər danışıqlara hazırdırsa gəlsin, görüşək. Heç bir şərt, əlavə tələb olmadan. Gəlin üz-üzə danışaq” – deyə Ukrayna prezidenti bildirib.

O eyni zamanda Rusiya nümayəndə heyətinin İstanbul danışıqlarında zəif təmsil olunmasına etirazını bildirib:

“Donald Tramp Marko Rubionu göndərir, Türkiyənin xarici işlər naziri buradadır, Ukraynanın xarici işlər naziri Sıbiqa da buradadır. Bəs Rusiya tərəfdən uyğun səviyyəli şəxslər haradadır? Bu, həm ABŞ-a, həm də Türkiyəyə hörmətsizlikdir”.

Zelenski əlavə edib ki, o, Putinə heç bir xüsusi təklif göndərməyib və beynəlxalq ictimaiyyətin tələbi ilə bu danışıqlara razılıq verib:

“Biz aramızda münasibətlər necə olur-olsun, bu danışıqlar təkcə bizim üçün yox, bütün dünya üçün önəmlidir”.