Futbol veteranlarından ibarət Azərbaycan milli komandası yanvarın 15-də Gürcüstanın paytaxtı Tbilisidə 1 il əvvəl faciəvi şəkildə dünyasını dəyişmiş gürcü futbolçu və UEFA-nın meneceri David Petriaşvilinin xatirəsinə həsr olunmuş beynəlxalq mini-futbol turnirində iştirak edəcək.

AzerTaym.az AFFA-ya istinadən məlumat verir ki, Gürcüstan, Azərbaycan, İspaniya, Türkiyə, Ukrayna və UEFA-nın yığma komandasının qatılacağı turnirdə millimiz yarımfinala vəsiqə qazanmaq üçün İspaniya və Ukraynanın futbol veteranları ilə mübarizə aparacaq.

Turnirə aşağıdakı veteran futbolçularımız yollanacaq:

Oqtay Abdullayev
Rüstəm Rəhimov
Asim Xudiyev
Hüseyn Məhəmmədov
Marat Salyanski
Arif Əsədov
Nadir Əliyev
Nazim Süleymanov
Vidadi Rzayev
Əli Abışov
Ağatahir Əzimov
Rəcəb Fərəczadə
Namiq Məmmədkərimov
Mahmud Qurbanov
Allahverdi Babayev