Tədbirlərin birinə xanımı ilə qatılan tanınmış klarnet ifaçısı Hüseyn Məhəmmədoğlu şəxsi həyatından danışıb.

Yenicag.az-a açıqlama verən sənətçi həyat yoldaşının yanında səmimi etiraflar da edib:

“Nə gizlədim, xanımım məni qısqanır, arada iradları da olur. Hər bir insan kimi biz də səhvlərə yol veririk. Qısqanc olduğu üçün həyat yoldaşım telefonuma da baxıb, kompromatlar da tapıb. Kimsə mənə nəsə yazıb, mən də cavab vermişəm. O da qısqandı, aramızda söz-söhbət oldu, dava düşdü.(Gülür) Sonradan isə hər şey yoluna düşdü. Hər halda, düşünürəm ki, mənə yazsa da, mən o qadına cavab yazmamalıydım”.

Sənətçi xanımına tərif yağdırıb:

“Xanımımın mənə dəstəyi çox olub. Onun fikirləri, məsləhətləri köməyimə çatıb. Sənət aləmində qazandığım uğurların 100 faizindən 80 faizini ona borcluyam”.

Qeyd edək ki, cütlüyün iki övladı var.