Bunu institutun Monitorinq şöbəsinin müdiri Qulu Məhərrəmli deyib.

Mahnı mətnləri ilə bağlı çoxlu narazılıqların olduğunu bildirən Q.Məhərrəmlinin sözlərinə görə, bəzən televiziyalar mahnının sözlərinə əhəmiyyət vermədən, məsuliyyət hiss etmədən mahnıları efirə buraxırlar. Nəticədə isə dilin normaları pozulur: “Bəzən təəccüblənirsən ki, şair şeirdə bunu bu şəkildə yazıb, bəstəkar ona fikir vermədən bu şəkildə bəstələyib, müğənni də başqa şəkildə oxuyur. Nəticədə ortaya əcaib şeylər çıxır”.