Ötən gün sabiq korpus komandiri, Milli Qəhrəman Rövşən Əkbərov Baş Prokurorluğun İstintaq İdarəsi tərəfindən aparılan cinayət işi üzrə həbs edilib. Hazırda cəmiyyətdə daha bir neçə yüksək vəzifəli zabitin də həbsinin vacib olduğu barədə fikirlər səslənir. Hətta əksər ekspertlər tezliklə bunun baş verəcəyini istisna etmirlər.

Bəs siyasi partiya liderləri bu barədə nə düşünür?

Məsələyə münasibət bildirən Vətəndaş və İnkişaf Partiyasının sədri Əli Əliyev Yenisabah.az-a açıqlamasında ordunun təmizlənməsinin lazımlı olduğunu bildirib:

“Gözlənilən olub-olmaması ilə bağlı bir söz deyə bilmərəm. Bildiyim odur ki, bu adamlara qarşı rəsmi ittiham irəli sürülsə də, yəqin ki, bu həbslər onların peşə fəaliyyəti ilə bağlıdır.

Rövşən Əkbərovdan başqa Nəcməddin Sadıkov haqqında da danışılır. Həmçinin Zakir Həsənovun da məsuliyyəti var. Korpus komandirlərindən Hikmət Həsənov barədə də fikirlər səsləndirilir. O cümlədən Xəqani Cəbrayılovla əlaqəli iddialar da mövcuddur. Çox təəssüf olsun ki, Azərbaycan Ordusuna bu cür ünsürlər sıza bilirlər”.