“Oktyabrın 17-dən başlayaraq qeyri-sabit hava şəraiti bir qədər də kəskinləşib.

Buna səbəb şimal-qərbdən hərəkət edən soyuq hava kütlələrinin Azərbaycan ərazisinə daxil olmasıdır”.

Bunu Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor əvəzi Gülşad Məmmədova bildirib.

O qeyd edib ki, faktiki müşahidə olunan qeyri-sabit və yağıntılı hava şəraiti oktyabrın 19-u gündüz saatlarınadək davam edəcək.

“Əvvəlcədən də xəbər verdiyimiz kimi ölkə ərazisində şimşək çaxıb, yağış yağıb, bəzi yerlərdə intensiv olub. Dağlıq və dağətəyi rayonlarda sulu qar, qar yağıb. Havanın temperaturu ötən günlərlə müqayisədə 7-8 dərəcə düşüb”.