Türkiyədə İstanbul Avrasiya Xəstəxanasına yerləşdirilmiş hüquq müdafiəçisi Oqtay Gülalıyevin vəziyyəti ağır olaraq qalır.

Bunu REAL-a açıqlamasında Oqtay Gülaliyevin həyat yoldaşı Firuzə Gülalıyeva dedi.

Bir tərəfdə yaşamaq uğrunda mübarizə aparan Oqtay Gülalıyev, digər tərəfdə isə hadisəni siyasiləşdirmək istəyənlər.

Sosial şəbəkələrdə Oqtay Gülalıyevin avtomobillə qəsdən vurulması haqda xəbərlər yayılsa da elə həmin gün Daxili İşlər Nazirliyi hüquq müdafiəçisi Oqtay Gülalıyevin "qəsdən vurulması ilə bağlı yayılmış xəbərləri təkzib edən" bəyanat vermişdi.

Hüquqşünas, Millət vəkili Çingiz Qənizadə də REAL-a açıqlamasında qəzadan siyasi divident kimi istifadənin insanlığa sığmayan addım adlandırdı.

Xatırladaq ki, Oqtay Gülalıyev oktyabrın 29-u saat 17:20 radələrində 28 May küçəsi ilə Puşkin küçələrinin kəsişməsində taksi fəaliyyəti ilə məşğul olan sürücü Kənan Abdullayevin idarə etdiyi avtomobillə yolu keçən zaman vurulub.

Oktyabrın 30-da onun üzərində cərrahiyyə əməliyyatı keçirilib.

Heydər Əliyev Fondunun prezidenti Mehriban Əliyevanın tapşırığına əsasən, Oqtay Gülalıyev noyabrın 6-da Bakıdan AZAL-ın xüsusi Ambulans təyyarəsi ilə Türkiyəyə aparılıb və İstanbul Avrasiya Xəstəxanasına yerləşdirilib.