Türkiyənin Xarici İşlər naziri Mövlud Çavuşoğlu Ceyhun Bayramovu Azərbaycanın Xarici İşlər naziri vəzifəsinə təyin olunması münasibətilə təbrik edib.

 Modern.az-ın məlumat verir ki,  türkiyəli siyasətçi Tvitter hesabında yazıb:

 “Azərbaycanın yeni Xarici İşlər naziri Ceyhun Bayramovu təbrik edir, vəzifəsində uğurlar diləyirəm. “Bir millət, iki dövlət” anlayışı ilə işləməyə davam edəcəyik”.

 Xatırladaq ki, C. Bayramov bu gün Prezident İlham Əliyevin imzaladığı sərəncamla Təhsil naziri vəzifəsindən azad olunaraq Xarici İşlər naziri təyin edilib.