20 yaşlı gəncdən qeyri-adi intihar üsulu - FOTO
Çilili gənc ən ağıla gəlməz intihar üsullarından birinə əl ataraq özünün öldürmək istəyib. ANS PRESS-in məlumatına görə, Çilinin paytaxtı Santyaqoda 20 yaşlı gənc soyunaraq özünü zooparkdakı şirlərin qəfəsinə atıb. 
Franko Luis Ferrada Roman adlı gənci şirlərin əlindən almaq mümkün olsa da onun ağır yaralandığı bildirilir. Onu xilas etmək üçün zoopark işçiləri iki şiri öldürmək məcburiyyətində qalıblar.
Zooparkın direktoru Aleksandra Montalva bildirib ki, təhlükəsizlik protokollarına əsasən, insan həyatına təhlükə yarandıqda heyvanları öldürməyə icazə verilir.
Gənc oğlan xəstəxanaya yerləşdirilib.
AzerTaym.az
