18.03.2014. - 9 icra başçısı İsveçrədə yerli idarəetmə təcrübəsi öyrəndi

18.03.2014. -  9 icra başçısı İsveçrədə yerli idarəetmə təcrübəsi öyrəndiAzərbaycanın bir sıra şəhər və rayon icra hakimiyyətləri başçılarından ibarət nümayəndə heyəti martın 9-16-da İsveçrədə işgüzar səfərdə olub.

AzerTaym.az bildirir ki, Azərbaycanın İsveçrə və Lixtenşteyndəki səfirliyindən modern.az saytına verilən məlumata görə, səfərin məqsədi İsveçrənin yerli idarəetmə sistemi ilə yaxından tanış olmaq, mövcud təcrübədən faydalanmaq və ikitərəfli regionlararası əməkdaşlığı gücləndirmək olub.

Lənkəran, Biləsuvar, Qubadlı, Siyəzən, Culfa, Xızı, Qobustan, Balakən və Ağstafa icra hakimiyyətlərinin başçılarından ibarət nümayəndə heyəti Bern, Luqano, İnterlaken, Frauenfeld və Şvits şəhərlərinə işgüzar səfərlər edib və həmin şəhərlərin rəhbərləri ilə görüşlər keçirib.

Görüşlərdə İsveçrədə yerli idarəetmənin təşkili, şəhər planlaşdırılması, şəhər təsərrüfatının idarə edilməsi və s. mövzular ətrafında fikri mübadiləsi aparılıb.






Fikirlər