Bal, dəmir, kalsium, fosfat, potasium, maqnezium kimi minerallardan ibarətdir.

Həmçinin içində B1, B2, B3, B6 vitaminləri var. Darçın isə antioksidant qaynağıdır və bu iki dad bir yerə gəldikdə möcüzəvi təsir yaradır. Həzm sistemini yaxşılaşdırır və orqanizmi viruslardan qoruyur. Ailem.az sizə faydalı olacaq bal və darçın reseptlərini təqdim edir.

Orqanizmi qüvvətləndirir

1 xörək qaşığı bala yarım qaşıq darçın tozu qatıb qarışdırın. Bunu gündə iki dəfə yeyin.

İstəsəniz, limon suyu ilə bir stəkan ilıq suyu qarışdırıb içə biliərsiniz.

Sızanaqları aradan qaldırır

Bal və darçın qarışımı sızanaqları azaltmağa və dəridəki infeksiyaların qarşısını almağa kömək edir. Həm də bal dərini nəmli tutur və sızanağa səbəb olan bağlanmış məsamələri təmizləyir.

1 çay qaşığı bala yarım çay qaşığı darçın əlavə edib qarışdırın. Sızanaqlı yerlərə sürtün. 10 dəqiqə gözlədikdən sonra ilıq su ilə yuyun. Bunu gündə bir-iki dəfə təkrar edin.

Yuxunu tənzimləyir

Bal və darçının anti-iltihab xüsusiyyətləri boğazdakı narahatlıqları aparır. Beləliklə, adam rahat bir yuxu yatır.

1-2 çay qaşığı darçın tozunu bir fincan isti su ilə qarışdırın. Üzərinə 1 yemək qaşığı bal əlavə edib, yatmazdan öncə hər gün için. Bunu süd ilə də hazırlaya bilərsiniz.

Ürək xəstəliklərinə kömək edir

Bal və darçın ürək sağlamlığınıza yaxşı təsir edir. Hər səhər yediyiniz bal və darçın

xolesterolu əridərək xəstələri ürək tutmasından qoruyur.

Arıqlamağa kömək edir

Darçın metabolizmanın işləməsinə kömək edir və ürəyinizin şirin bir şey istəməsinə mane olur. Həm də qandakı qlükoza səviyyəsini tənzimləyib, orqanizmdəki artıq yağ və mayeni atmağa kömək edir.

Bir stəkan isti suya yarım çay qaşığı darçın tozu səpin. Sonra bir çay qaşığı təbii bal əlavə edin. Səhər və axşam olmaqla gündə iki dəfə için.

Öskürəyi aradan qaldırır

Soyuqdəymə şikayəti olanlar darçınla qarışdırılmış bir qaşıq ilıq bal yesə, faydasını dərhal hiss edəcək. Bu vasitə xroniki öskürəyi, soyuqdəyməni müalicə edir.

1 xörək qaşığı balı eyni miqdarda ilıq suya qatın. Sonra yarım çay qaşığı darçın tozuyla qarışdırın. Hazırladığınız bu qarışımdan gündə iki dəfə için.