19.08.2014- “Alman kəşfiyyatının Türkiyəni izləməsi barədə məlumat verə bilmərəm”
Latviyanın paytaxtı Riqada səfərdə olan Almaniya kansleri Angela Merkel ölkəsinin kəşfiyyatının Türkiyə dövlət rəsmilərini dinləməs iddiaları ilə bağlı suala qısa cavab verib.Angela Merkel bildirib ki, Almaniyanın kəşfiyyat qurumu BND-nin işi ilə bağlı açıqlama vermək istəmir.
“Alman kəşfiyyatının fəaliyyəti ilə bağlı açıqlama verə bilmərəm”,-deyə Almaniya lideri söyləyib.
Qeyd edək ki, Almaniyanın “Der Şpigel” nəşri alman kəşfiyyatının Türkiyə hökumətini 2009-cu ildən bəri izlədiyini və dinlədiyini iddia edib.
Türkiyənin xarici işlər naziri Əhməd Davudoğlu iddiaların doğru olacağı təqdirdə Almaniyanın rəsmi Ankaraya tutarlı izahat verməsi tələbi ilə çıxış edib.
