Zamin Hacı polis idarəsindən sərbəst buraxıldı - yenilənib
"Yeni Müsavat" qəzetinin köşə yazarı Zamin Hacı Bakı Şəhər Baş Polis İdarəsinə çağırılıb. Əməkdaşımızın Musavat.com-a verdiyi məlumata görə, bu gün səhər saatlarında ona BŞBPİ-nin istintaq şöbəsindən zəng vuraraq saat 17-də idarəyə söhbətə dəvət ediblər.
Ancaq jurnalistə polis idarəsinə nəyə görə, hansı səbəbdən çağırıldığını deməyiblər.
Təxminən 50 dəqiqə müddətində BŞBPİ-də olan və idarənin əməkdaşı Nazim Abdullayevin suallarına cavab verən Z.Hacı daha sonra sərbəst buraxılıb. Jurnalistə bildirilib ki, onunla aparılan söhbət ictimaiyyətə açıqlanmamılıdır.
