Nazirlik deputatın qalmaqallı obyektini cərimələdi - VİDEO
Vergilər Nazirliyinin nəzarət tədbirləri zamanı cərimələdiyi müəssisələr arasında məşhur "Ştutqart” ehtiyat hissələri mağazaları da var. 
21-11-202420-11-202419-11-2024
"Ştutqart" (ehtiyat hissələri mağazaları), "Halal Tekstil", "Arm” (MADO restoranlar şəbəkəsi), "Altrade", "Təmiz Qida", "Salam Şirkətlər Qrupu" (Salam taksi) MMC kimi vergi ödəyicilərində də işçi sayının azaldılması halları aşkarlanaraq, onların barəsində məsuliyyət qərarı çıxarılıb.
Bu firmalar arasında "Ştutqart” xüsusi ilə seçilir. Nazirliyin cərimələdiyi bu mağazaların Masallının deputatı Nəriman Əliyevin nəzarətində olduğu barədə məlumatlar var.
"Ştutqart” mağazalar şəbəkəsinə millət vəkilinin bacısı oğlu Əfqan Abdullayev müdirlik edir. Amma qeyri-rəsmi olaraq rəhbərlik deputatın əlindədir.
Hətta bir müddət əvvəl yayılan xəbərlərdə deyilirdi ki, Əfqan Abdullayev bir neçə dəfə hədə qorxu ilə işçilərinin boyunlarına küllü miqdarda pul yükləyib.
Onlardan biri - Rəfiyev Fərhad Rasim oğlu başına gələn özbaşınalıqla bağlı dövlət orqanlarına müraciət etmişdi: "10 il satıcı işlədiyim Ştutqart mağazalar şəbəkəsinin rəhbəri Əfqan Abdullayev və dayısı, şirkətin qeyri-rəsmi sahibi millət vəkili Nəriman Əliyevin mənə və ailəmə göstərdikləri qorxu və təzyiq nəticəsində mənim bütün əmlakım əlimdən alındı.
Millət vəkili Nəriman Əliyevin mənə telefonla və şəxsən görüş zamanı etdikləri təzyiqdən sonra mənim 109 kvadratlıq evim bacısı oglu Əfqan Abdullayevin adına keçirildi.
Mənim, həyat yoldaşımın və qardaşımın idarə etdiyimiz 3 avtomaşın isə deputat Nəriman Əliyevin qardaşı oğlu Əliyev Qubad İmran oğlunun adına keçirildi.
Bir gün içində mən və həyat yoldaşım göz yaşları içində qorxaraq bütün əmlakımızı millət vəkili Nəriman Əliyevin bacısı və qardaşı oğlanlarının adına keçirdik”.BakuPost
Fikirlər
-
Reklam
-
Əsas xəbərlər
