Deputat 4 saat növbədə dayandı - “Qarabağ”ın oyununa BİLET ALMAQ ÜÇÜN
"Bu gün düz 3 saat 50 dəqiqə növbədə durduqdan sonra "Qarabağ” – "Roma” futbol oyununa bilet aldım.”
AzerTaym.az. xəbər verir ki, bu barədə millət vəkili Aydın Mirzəzadə "Facebook" səhifəsində yazıb.
Deputat bildirib ki, bileti ASAN Xidmətin Yasamal filalının binasında yerləşən bilet kassasından əldə edib: "Növbə böyük idi, hətta xarici ölkə vətəndaşları da bilet alırdılar. Bilet satışını həyata keçirən firma işi daha yaxşı təşkil edə bilərdi. Yüzlərlə insana cəmi bir satıcı qız xidmət edirdi. İki dəfə printer xarab oldu, növbədəkilər birində 40 dəqiqə, ikincisində isə 20 dəqiqə onun düzəlməyini gözləməli oldular. Satıcı qıza xüsusi təşəkkür düşür, o, çox səbrlə işləyirdi və böyük növbəyə görə nahara getmədi”
