Neft 50 dollardan aşağı düşdü
Qərbi Texas növü xam neftinin (WTI) barelinin qiyməti Nyu-Yorkda 50 dollardan da aşağı düşərək, 2009-cu ilin Aprel ayından bu yana ən aşağı səviyyəni görüb.
Brent nefti isə, İraq və Rusiyada rekord miqdardakı istehsal ilə qlobal təklif artıqlığının davam edəcəyi fərziyyələrinin artırması nəticəsində 2009-cu ilin May ayından bu yana ilk dəfə 53 dollardan aşağı düşüb.
OPEC-in ikinci böyük istehsalçısı olan İraq, bu ay rekord miqdarda xam neft ixrac etməyi planlaşdırır. Rusiyada isə hasilat Dekabrda Sovet dövründəki səviyyələrə yüksəlib.
Bu gecə Nymex elektron əməliyyatlarında WTI neftinin barelinin qiyməti 2 dollar geriləyərək 49.95 dollar ilə 2009-cu ilin 29 Aprel tarixindən bu yana ən aşağı səviyyəni görüb.
Londonda ICE Futures Europe birjasında Brent neftinin barelinin qiyməti isə 52.66 dolları görüb. Hazırda brent nefti 53.33 dollardan alıcı tapır.
Brent nefti ötən il 48% ucuzlaşaraq 2008-dəki maliyyə böhranından bu yana ən sərt enişini qeyd edib. OPEC istehsalı azaltmaqdan imtina edərək, ABŞ-ın nefti istehsalçıları ilə bazar payı üçün mübarizəyə girib. /”Marja”
