Bu il Azərbaycan Dövlət Neft Şirkətinin (SOCAR) Türkiyədə qoyduğu investisiyanın həcmi 20 mlrd. ABŞ dollarına çatacaq.

“Report” xəbər verir ki, bunu Türkiyənin “Daily Sabah” nəşrinə müsahibə verən Azərbaycanın Ankaradakı səfiri Xəzər İbrahim deyib.

X.İbrahimin sözlərinə görə, SOCAR-ın layihələrində işləyən Türkiyə vətəndaşlarının da sayı kifayət qədər çoxdur: “Hazırda 40 minə yaxın yerli işçi SOCAR-ın layihələrində çalışır. Bu, Türkiyə üçün böyük rəqəmdir”.