12.05.2014 - "Eurovision"un qalibi saqqallı "qadın" kimdir? - FOTO
"Eurovision 2014" "mavi"lərin qələbəsi kimi tarixə düşdü
Danimarkanın paytaxı Kopenhagendə keçirilən 59-cu "Eurovision" mahnı müsabiqəsi başa çatdı və "mavi"lərin qələbəsi kimi tarixə düşdü.
"AzerTaym.az"-ın anspress-ə istinadən məlumatına görə, qalib avstriyalı transseksual müğənni Konçita Vurst oldu. Onun ifa etdiyi "Rise Like a Phoenix" ( Simurq quşu kimi yüksəl) mahnısı 290 balla birinci oldu.
"Saqqallı xanım" kimi tanınan müğənni Konçita Vurst əslində kimdir?
Çoxlarının dünyanın sonu əlaməti kimi qəbul etdiyi Konçita (Conchita Wurst) bundan əvvəl kişi musiqi qrupunun lideri Tom Noyvirt (Tom Neuwirth) kimi tanınıb. Sonralar isə özünə Konçita Vurst səhnə adı götürüb.
Tom Noyvirt 6 noyabr 1988-ci ildə Avstriyanın Qmunden şəhərində doğulub. Hazırda Venada yaşayan 26 yaşlı Konçita, yəni Tom uşaq yaşlarından "Eurovision"un fanatı olduğunu deyir.
2006-cı ildə pop ifaçıların yarışlarına qatılıb və ikinci yeri tutub. 2007-ci ildə pop-rok "Jetzt anders" kişi qrupunu yaradıb. Bu qrupun fəaliyyəti bir neçə ay davam edib. 2011-ci ildə Moda məktəbini bitirib.
