61 yaşlı türkiyəli məşhur müğənni Zerrin Özər özündən yaşca kiçik sevgilisi ilə evlənib.

Musavat.com Türkiyə mediasına istinadən xəbər verir ki, adının Murad olduğu deyilən gənclə rəsmi nikaha girən müğənni bu olayla bağlı aylar öncədən açıqlama vermişdi.

Bir şou biznes verilişinə qatılan Özer aşağıdakıları demişdi: “Bir müddət özümü kənara çəkdim. Həyatımda heç kimi üzməməyə çalışdım, amma insanlar məni çox yordu. Mənim üçün “çox yaxşı sənətçi” yox, “çox yaxşı insandı” desinlər, bu, bəsimdir. İlk dəfə açıqlayıram bunu. Çox yaxında gözəl xəbərləri eşidərsiniz. Evlənmə təklifi aldım. Uzun zamandır bir münasibətim var. Heç bir zaman paparazilər bayırda bizi çəkməyiblər. İki ilə yaxındır münasibətimiz başlayıb. Sevgilim bizim cameədən deyil. Mənə çox yaxşı baxır, körpəyə baxırmış kimi. Ona ürəyimin və yolumun yoldaşı deyə bilərəm. Ona aşiqəm. Evlilik təklifini qəbul etdim. Bir neçə ay ərzində nikah masasına oturacağıq”.