“Aygün üzr istəməyincə 30 il Azərbaycandan çıxa bilməyəcək” - Natavan - Natavan
AzNews.az xəbər verir ki, sənətçi atv.az-a açıqlamasında ona atılan daşlardan danışıb:
“Mən çox susdum, çox gözlədim, amma bundan sonra çox sərt danışacam. Əgər kimsə başından böyük danışacaqsa, elə böyük də cavabını alacaq. Mən nə xalq artistiyəm, nə də ki əməkdar artist. Mən müğənniyəm. Heç vaxt qorxmuram, çəkinmirəm. Mənə çox ləkə yaxmaq istədilər. Nəslimə, soyuma, mənim ailəmə ləkə yaxmağa çalışdılar. Çox adam da buna inandı. Amma indi hər şey bəlli oldu. Və yenə də mən qazandım. Hətta çox dedilər ki, guya mənim verdiyim bütün sənədlər saxta imiş.
Amma mənim vəkilim hər şeyi sübut etdi. Mənə elə oyunlar qurmuşdular ki... Həqiqətən bunlar rejissordular. Sonda isə hamısı biabır oldu. "Nömrə1" verilişinin çəkilişlərindən Aygün Kazımovanın münasibətləri mənə qarşı soyumağa başlamışdı. Amma mən onu çox istəyirdim. Həmin layihədə, o, özünü əməlli-başlı biabır etdi. O biabırçılıqdan sonra təbii ki, xalq tərəfindən nifrət qazanacaqdı. Çünki haqlı deyildi. Hətta deyərdim ki, Aygün çox savadsız biridir. Dövlətin qanunlarının qarşısında hamımız acizik”.
Natavan dövlətin qanunlarına sığındığını qeyd edib:
“Dövlətimizin qanunlarına sığındım. Bilirdim ki, qazanacam. Amma Aygünün bu qədər inad etməsinə sadəcə gülürdüm. Mən axı ona nə etmişdim? Mən 8 il susdum. Axı mən hardan bilərdim ki, o mənə bu qədər nifrət edəcək. "Natavan yuxusunda görəcək", nə bilim nə... Sən hələ yatmağında ol. Görək sənmi yuxunda görəcəksən, yoxsa mən?! Məhkəmənin qərarına görə, Aygün məndən üzr istəməyincə, o, 30 il Azərbaycandan kənara çıxa bilməyəcək. Heç vaxt onunla barışmağı düşünmürəm. Bu küsmək deyil, bu silməkdir. Bir dəfə nöqtəni qoyuram. Nöqtə də qoyuldu...".
